خمس حاجات خلى بالك منها و انت فى فرنسا

6:20 AM shorouk samy 0 Comments

لما تكون حضرت نفسك علشان خلاص ربنا فتحها عليك و رايح فرنسا و كل اللى فى خيالك انك هتلاقى شعب رومانسى و بيحب فى بعضه قدام برج ايفيل و ان الحياه حب و دلع ، تبقى غلطان !

فيه شوية حقايق لازم تبقى عارفها قبل ما تروح عشان متحسش بالصدمة

1-عادى جداً لو لقيت بنت فى اى كافيه بتطلب منك تولعلها سيجارة لأن فى فرنسا من العادات و التقاليد ان مينفعش متولعش سيجارة لست لأن ساعتها هتعتبر انسان وقح و مش gentle 

2- فى فرنسا فيه اكل الكُبار و اكل للاطفال، ممنوع للاطفال الاكل من برا اطلاقاً حتى لو كلوا برا مع اهلهم بياكلوا اكل مخصص مش fast food

3- فى فرنسا مفيش الاكياس البلاستيك اللى مامتك بتروح تجيب ب ال 10 من هايبر ، هناك فيه الاكياس الورق دى علشان مفيدة للبيئة اكتر و كمان عشان هما هناك بيشتروا على قد اللى يكفيهم يوم بس مش بيشتروا لسنة قدام زيننا

-لما بتبقى عايز كيس بلاستك بتدفع 1$ علشان تاخده 

4-لو ربنا فتحها عليك و ظبطت date مع بنت فرنسية ، لازم انت اللى تدفع كل الحساب علشان شكلك ميبقاش وحش و لأن ساعتها البنت هتفتكرك بخيل " انا عارفة انك حسيت انك جيت مصر فجأة بس دى الحقيقة"

- للأسف فى صيدليات فرنسا مفيش كيس جيل بنص جنيه ولا ماسكرا اوريفلام اللى ب25 جنيه ، فاعمل حسابك انهم مبيبعوش اى حاجة غير الادوية !

طبعاً فيه حاجات اكتر من كدة لازم تعمل حسابك و انت مسافر فرنسا ، استنونا بكرة علشان نكمل موضوعنا :)

Resources :

https://www.talkinfrench.com/french-weird-habits/

https://www.justlanded.com/english/France/Articles/Culture/Social-customs-in-France